سەد چالاکی سیاسی، مەدەنی لە نامەیەکدا ڕەخنە لە خامنەیی دەگرن

ژمارەیەک لە چالاکانی سیاسی و مەدەنی نامەیەکیان ئاراستەی خامنەیی کردوە. لە نامەکەیاندا ئەو چالاکانە خامەنیی وەکو بەرپرسیاری سەرەکی بڵاو بونەیوەی ڤیروسی کۆرۆنا لە ئێران ئەزانن.

سەد کەس لە چالاکانی سیاسی و مەدەنی نامەیەکیان ئاراستەی خامنەی وەک یەکەم کەسی بەرپرس لە ڕژیمی حاکم دا کردوە.

لە نامەکەیاندا نوسیویانە خامنەیی یەکەم بەرپرسی کارەساتی بڵاوبونەوەی ڤیروسی کۆرۆنایە لە ئێرانا و حەسەن ڕۆحانیش بە پەیڕەوکردنی فەرمانەکانی خامنەیی بۆ شاردنەوەی ئەو ڤیروسە تاوانبارە.

ئەو چالاکانە لە نامەکەیانا ئاماژەیان بە شاردنەوەی گەیشتنی ڤیروسی کۆرۆنا بە ئێران کردوە و نوسیویانە: هەوڵی شاردنەوەی ئەو ڤیروسە لە لایەن هێزە ئەمنیەتی ودەسەڵاتدارەکانی ڕژیمەوە بە بۆنەی هەڵبژاردن و ڕێپێوانی ٢٢ی بەهمەنەوە بوە هۆکاری ئەوەی خەڵک دەرفەتی زێڕینی بۆ خۆپاراستن لەو ڤیروسە مەترسیدارە لەدەست دا.

هێندێ لە کاربەدەستانی ڕژیم دانیان بەو ڕاستیە دا ناوە کە لە سەرەتای مانگی بهمەنەوە ئەو ڤیروسە گەیشتوەتە ئێران و بەشی تەندروستی پێیان زانیوە بەڵام کاربەدەستانی ڕژیم لە پێناو پاراستنی بەرژەوەندیەکانیاندا شاردویانەتەوە.

ئەو چالاکە سیاسی وکۆمەڵایەتیانە نوسیویانە: قسەکانی خامنەیی کە وتویە ئەمە هێرشی بیولۆژی و هەبونی جنوکەیە لە ڕیزەکانی دۆژمن و دەرکردنی دوکتورانی بی سنوور لە لایەن ڕژیمەوە چەواشەکاریە و گیان و ماڵی تاک بە تاکی گەلانی ئێران بونەتە گرۆکانی رێبەری نیزام و ڕاوێژکارانی ئەمنیەتی و سەربازی ناوبراو.

نوسەرانی نامەکە ئاماژەیان بەوە داوە کە بۆچی دەبێ سندوقی پەرەپێدانی نەتەوەیی خەرجی سپای قودس بکرێ و نەخرێتە خزمەت سڵامەتی خەڵک و بۆچی سەرمایەی ناوەندی ئابوری ژێر کونتروڵی خامنەیی ناخرێتە خزمەت بەرنگار بونەوەی ڤیروسی کۆرۆناوە و بەمجۆرە بەردەوام بوون: بۆچی خامنەیی و کاربەدستانی ژێر فەرمانی سەبارەت بە ئازادی زیندانیانی سیاسی لاسارن و ئاستەنگی دروست دەکەن و ئەو کەسانە دەستگیر دەکەن کە ئازادانە هەوڵی گەیاندنی زانیاری بە کۆمەڵگا دەدەن.

ناوی بەشێک لەو سەد کەسەی نامەکەیان ئاراستەی خامنەیی کردوە بریتیە لە: حمید احمدی، عبدالعلی بازرگان، بهروز بیات، بهروز خلیق، مهرداد درویش‌پور، مهدی جامی، فرج سرکوهی، مریم سطوت، کاظم علمداری، احمد علوی، رضا علیجانی، نصرالله لشنی، مهران مصطفوی و محسن یلفانی.

وەشانی ڕاستەوخۆ