کۆمەڵگای جەوانانی ڕۆژهەڵاتی کوردستان: دژی خەیانەت و داگیرکاری بەشداری تێکۆشانی ئازادی بە

کوردیناسیۆنی کەجەرە سەبارەت بە هێرشەکان لە دژی باشووری کوردستان بانگەوازی لە جەوانان و ژنانی رۆژهەڵاتی کوردستان دەکات کە بەشداری ریزی تێکۆشان بن. کەجەرە هێرشەکانی رژیمی تورکیە بە هاوشانی هێڵی خەیانەتی ناوخۆیی و هاوکاری رژیمی ئێران دەزانێت. بۆ پووچەڵ کردنەوەی ئەو پیلانە بانگەوازی بە گوڕترکردنی تێکۆشان دەکات.

کوردیناسیۆنی کۆمەڵگای جەوانانی ڕۆژهەڵاتی کوردستان کەجەرە هێرشەکانی سەر باشووری کوردستان وەک بەردەوامی هێرشەکانی سەر رۆژاوای کوردستان دەزانێت و بەمجۆرە بەردەوام دەبێت: ئەو هێرشانە کە رژیمی تورکیە بە هاوکاری هەندێک لایەن پێکی دێنێت نە تەنیا دژی پەکەکە بەڵکوو بۆپاکتاوکردنی گەلی کورد و داگیرکردنی هەموو کوردستانە.

کەجەرە بە ئاماژەدان بە گۆشەگیری ڕێبەر ئوجالان دەستنیشانی دەکات: بە درێژایی مێژوو دوژمنانی گەلی کورد بە لە ناوبردنی بەرخودێرانی سەرهەڵدانەکان ڕێگایان لە سەرکەوتن گرتووە. ئێستاش بە گۆشەگیری لە سەر رێبەر ئاپۆ دەیانەوێت گەلی کورد بەرەو نەمان ببەن. بەڵام گەلی کورد بە پێشەنگایەتی ژنان و جەوانان ترسیان خستوتە دڵی دوژمنی داگیرکەر و سەرکەوتنی مەزن پێکدێنن.
کوردیناسیۆنی کەجەرە لە درێژەی لێدوانەکەیدا ئاماژە بە سەرهەڵدانی خەڵکی شیلادزێ لە دژی ئەرتەشی داگیرکەری تورکیە دەکات و رایدەگەینێت: چالاکیەکانی گەل لە رۆژئاوای کوردستان و هەروەها چالاکی کوردستانیان و دۆستانی ئازادیخوازیان لە ئەورووپا رۆحی یەکیەتەی نەتەوەیی لە هەمبەر هێڵی خەیانەت زیندوو دەکاتەوە.

کوردیناسیۆنی کۆمەڵگای جەوانانی رۆژهەڵاتی کوردستان لە کۆتایی لێدوانەکەیدا بانگەوازی لە جەوانان و ژنان دەکات کە لە دژی داگیرکەریەکان بەشداری تێکۆشانی ئازادی بن و نوسیویە: هێرش لە دژی خاکی باشووری کوردستان هێرش لە دژی مەهاباد، سنە و کرماشانە و بەواتایەکیتر هێرشە لە دژی هەموو کوردستان. رژیمی فاشیست و داگیرکەری تورکیە بە تەنیا خۆی ناتوانێت ئەو هێرشانە پێکبێنێت. ئەو یەکە بە هاوکاری رژیمی داگیرکەری ئێران و هاوکاری هێڵی خەیانەتی ناوخۆیی بەڕێوەدەچێت. بۆ وڵامدانەوەی ئەو هێرشانە پێویستە جەوانان بە رۆحی بەرخودانی کۆبانێ و شیلادزێیەوە روو بکەنە چیا ئازادەکانی کوردستان و تێکۆشانی ئازادی بەرفراوانتر بکەنەوە.

وەشانی ڕاستەوخۆ