کەجەکە: لە دژی دەوڵەتی داگیرکەری تورکیە هەڵوێست دەرببڕن

هاوسەرۆکایەتی کۆنسەی بەڕێوەبەری کەجەکە بانگەوازی لە گەلان و وڵاتانی ڕۆژهەڵاتی ناوەڕاست دەکات کە لە دژی دەوڵەتی داگیرکەری تورکیە هەڵوێست دەرببڕن.

هاوسەرۆکایەتی کۆنسەی بەڕێوەبەری کۆما جڤاكێن کوردستان کەجەکە بە لێدوانێک دەستنیشانی دەکات کە دەوڵەتی داگیرکەری تورکیە دەیەوێت گەلی کورد وەکوو یەکێک لە گەلانی پێشەنگی کۆمەڵایەتی بوون پاکتاو بکات.

کەجەکە رایدەگەینێت:
“دەوڵەتی تورکیە دەیەوێت جوگرافیای بن کۆنتڕۆڵی ئێمپراتووری عوسمانی جارێکی تر داگیربکات. بۆ ئەوەیە کە ئەرتەشی تورکیە هێرش دەباتە سەر سووریە، عێراق و لیبی و هەڕەشە لە هەموو وڵاتانی عەرەبی دەکات.”

کەجەکە وەبیردێنێتەوە کە دەوڵەتی داگیرکەری تورکیە لە بەر ئەوەی کە ئەو ناوچەیە وەکوو میراسی خۆی دەبینێت رووی لە لیبی کردووە و رایگەیدەگەینێت: ئەو دەوڵەتە داگیرکەرە لە هەموو شوێنێکی داگیرکراو ئاڵاکەی هەڵدەکات، خوێندنگای تورکی دەکاتەوە و پۆلیس و چەکداری ئەڵقە لە گوێ خۆی لەوێ رێکدەخات. لە سووریە لیرەی تورکی برەو پێدەدات و جێ پێ بۆ خۆی خۆش دەکات.

هاوسەرۆکایەتی کەجەکە دەستنیشانی دەکات کە یەکیەتی عەرەب لە ئامانجەکانی ئاکەپە-مەهەپە تێگەیشتووە و لە دژی هێرشەکانی ئەو رژیمە دژی لیبی، عێراق و سوریە هەڵوێستێکی روونی نیشان داوە.
کەجەکە رایدەگەینێت: زیاتر لە سەد ساڵە لە رۆژهەڵاتی ناوەڕاستدا سیاسەتی پارچەکردن و لاواز کردن لە دژی کورد و عەرەب بەڕێوەدەچێت. لە ناوبردنی ئیرادەی گەلانی عەرەب و کورد، تێکبردن، پارچەکردن و بێهێزکردن بوتە سیاسەتی بنەڕەتی هێزە ناودەوڵەتیەکان و وڵاتانی هەرێمیی وەکوو تورکیە. بە تایبەتی دەوڵەتی تورکیە هیچکات نەیویستووە کە گەلانی کورد و عەرەب ببنە خاوەن ئیرادە و هێز.

کەجەکە دەستنیشانی دەکات کە دەبێت هیچ دەوڵەت، وڵات و کۆمەڵگایەک فریوی شەڕی تایبەتی دەوڵەتی تورکیە نەخوات و وەها درێژەی بە لێدوانەکەی داوە:
ئەگەر زیهنیەتی داگیرکارانەی رژیمی تورکیە تێکنەبرێت، ئەوە دوژمنایەتی ئەو رژیمە لە دژی ئیتنیکەکان بە تایبەت کوردان،کۆمەڵگا دینیەکان و وڵاتانی تر درێژەی دەبێت.

کەجەکە جەخت دەکاتەوە وەکوو گەلی کورد لە دژی ئەو سیستمە پاکتاوکەرە بەرخودان دەکەین.

لە کۆتایدا کۆنسەی بەڕێوەبەری کەجەکە بانگەوازی لە گەلان و وڵاتانی رۆژهەڵاتی ناوەڕاست کرد لە دژی هێژێمونخوازی دەوڵەتی داگیرکەری تورکیە هەڵوێست وەربگرن و لە دژی هێرشەکانی ئەو دەوڵەتە تێکۆشان بەرفراوان بکەنەوە.

وەشانی ڕاستەوخۆ