کەنەکە: شۆڕشی رۆژاوا لە هەشتەمین ساڵوەگەڕیدا بە سەرکەوتوویی بەردەوامە

لە ساڵیادی شۆڕشی ڕۆژئاوای کوردستاندا، لە پەیامێکدا کەنەکە پیرۆزبایی لە ڕۆژئاوای کوردستان دەکات و بە گرنگەوە لە شۆڕشەکە دەڕوانێت و ڕێز لە شەهیدان دەگرێت.

ئەمڕۆ هەشت ساڵ بەسەر شۆڕشی ڕۆژئاوای کوردستاندا تێدەپەڕێت، بەمبۆنەیەوە کۆنگرەی نەتەوەیی کوردستان- کەنەکە، پەیامێکی بڵاوکردەوە.

لە پەیامەکەدا وێڕای ڕێزگرتن لە خەبات و قوربانیی شەهید و بریندارانی شۆڕشی ڕۆژئاوا، هاتووە: کۆبانێ یەکەم هەنگاوی شۆڕشی هەڵینا و ئازاد کرا، ئیدی هەنگاو بە هەنگاو سەرانسەری رۆژاوای کوردستانی گرتەوە، ئەم بەرەوپێشچوونی شۆڕشە هەر بەردەوامە، کە تەنها شۆڕشێکی چەکداریی نەبوو  لە بەرامبەر داگیرکاریی و دەسەڵاتی هەژمونگەرایی رژێمی سوریا، بەڵکو پڕۆژە و مۆدێلێکی خۆ بەڕیوەبەرییە، لەسەر بنەمای ئازادیی، دیموکراسیی، یەکسانی جێندەریی و پێکەوەژیانی گەلان و ژینگەپارێزیی دامەزراوە، ئەم پڕۆژەیە سەرنجی زۆرێک لە دۆستانی کوردستانی راکێشا، لە سەرانسەری دنیاوە بەدەیان دۆست و هاوکار روویان کردە رۆژاوای کوردستان، زۆرێک لەوانیش بۆ پاراستنی ئەو مۆدێلە نوێیە گیانی خۆیان بەخت کرد، نەمری و سەربەرزی بۆ هەموو ئەو قارەمانانەی گیانی خۆیان بە ئازادی و پاراستنی رۆژاوا بەخشی.

کەنەکە سەرنجی ڕاکێشاوەتەسەر بەرخۆدانی شەڕڤانان دژی چەتەکان و ڕایگەیاندووە: سەرکەوتنێکی دی هەرە مەزنی رۆژئاوا تێکشکاندنی هێز و دەسەلاتی تاریک و دڕندانەی داعش بوو، داعش کە زیاتر لە نیوەی جوگرافیای سوریای داگیرکردبوو، هێزێکی سەربازیی گەورەو دەوڵەتێکی لە ناوچەکەدا دامەزراندبوو، لەسەر دەستی ئازادیخوازانی کوردستان و هاوکارانیان تێکشکا و هەڵوەشا، ئەمە سەرکەوتنێکی مێژوویی شەرڤانانی کوردستان بوو، سەرکەوتنێک کە گەل و هێزی ئێمەی زیاتر بە دنیا ناساند، رێگای ئازادی و ئاشتی و چارەسەریی خۆشتر کرد، بەو بۆنەیەوە ئێمە جارێکی دی پێرۆزبایی لە یەپەگە و یەپەژە و قەسەدە دەکەین و هیوای سەرکەوتنی زیاتریان بۆ ئەخوازین، بێگومان بۆ ئەم سەرکەوتنەش قوربانی زۆر درا، بە خوێنی سەدان شەهید و بریندار بەدەستهات، ئێمە هەموومان قەرزاری ئەوانین.

هەروەها هاتووە: لەگەڵ ئەم دەسکەوتانەشدا، تا ئێستاش هێرش بۆ سەر رۆژاوا، هێرش بۆ تێکدانی سیستمی خۆبەرێوبەری بەردەوامە، دەوڵەتی تورکیا  بە ئەرێکردنی روسیا و چاوپۆشی هێزە نێودەوڵەتییەکانی دی، لە سەرەتای ساڵی ٢٠١٨دا هێرشی کردە سەر عەفرین و داگیری کرد، دوای ئەوەش هێرشی کردە سەر گرێ سپی و سەرێکانی و چەند شوێنێکی داگیرکرد، لە هەرێمی عەفرین و هەموو ناوچە داگیرکراوەکانی دی، گەل و شەڕڤانانی ئازادیی بەرخۆدانێکی بێ هاوتایان کرد و تا ئێستاش بەردەوامە، دەوڵەتی تورکیا و هاوکارانی هەر لەسەر هەڕەشە و هێرش بەردەوامن، نەیارانی گەلی ئێمە و هاوکارانیان بە هەموو توانایانەوە لە کاردان و لە هێرش و پەلاماردانە دڕندانەکانیان نەوەستاون، لە بەرامبەر ئەم هێرشانەشدا، شەڕی ئازادی، شەڕی دژی داگیرکاریی، بە قارەمانی و دڵسۆزی بەردەوامە.

هەر لەو پەیامەدا، باس لە ڕۆڵی ژنان کراوە لە سیستمی خۆبەڕێوبەرییدا و ڕاگەیەندراوە، لەو سیستەمەدا رۆڵی ژنی ئازاد بووە بە نمونەیەکی جیهانی و سەرنجی دنیای بۆ لای خۆی راکێشاوە، رۆڵی ژنی کورد لە شۆڕشی رۆژاوادا کەوتۆتە رۆژەڤی دنیاوەو بە سەرسامییەوە لە سەر ئاستی جیهان کاری لەسەر ئەکرێت، ئەوەش هاتووە:”هەروەها لەبوای یەکێتی نەتەوەیی هەنگاوی جدی نرا، چەند کۆبوونەوە لەگەڵ پارت و رێکخراوە جیاوازەکانی رۆژاوا بەڕیوەچوو، گەیشتە ئەنجام و لێکتێگەیشتنی باش”.بەو بۆنەیەوە، ئێمە وەک کۆنگرەی نەتەوەیی کوردستان، پیرۆزبایی هەشتەمین ساڵیادی شۆڕشی رۆژاوا، سەرەتا لە شەڕڤانانی ئازادی و تەواوی گەلی کوردستان ئەکەین، لە کەسێتی شەهیدانی رۆژاوادا هەموو شەهیدانی کوردستان بە بیر دێنینەوە و سەری رێز لە بەردەم گیانی پاکیان دائەنەوێنین،

وەشانی ڕاستەوخۆ