ناوەند خەوەرڕەسانی و چاپەمەنی هێزەیل پاراستن گەل، هەپەگە، لە بەیانیەێگ ئعلام کرد گەریلایەیل ئازادی ئەڕا بەرز راگردن یاد فەرماندە ئاخین مووش و هەڤاڵەیلی چەندین چالاکی ئەنجام دانە و گورز گران لە داگیرکەرەیل وەشاننە.

لە بەیانیەگەی هەپەگە هاتیە گەریلایەیل ئازادی کوردستان لە ڕووژەیل ٢٢ و ٢٣ سپتامبر لە وەختەیل جیاواز لە ناوچەیل ڕووژئاوای هەرێم زاپ وە شیوەیل جورواجوور دژ وە ئەرتش داگیرکەر تورکیە چالاکی ئەنجام دانە.

لەو چالاکیەیلە ١١ نزامی داگیرکەر تورکیە کوشیاس و ١٥ داگیریش زامدار کریانە. هاوەخت گورز لە ١١ سەنگەرەیش وەشیاس و ٢ کامێرای چاودێریش لەبەین بریاس.

لە بەیانیەگە ئزافە کریاس، ڕووژ ٢٣ سپتامبر لە هەرێم خاکورک گەریلایەیل یەژئاستار وە چەک قورس داگیرکەرەیل کردنەسە ئامانج.

هاوەخت لە هەرێم مەتینا دوو جار هێزەیل گەریلا هەلیکۆپترەیل دوژمن کردنەسە ئامانج.

هەپەگە لە بارەی هێرشەیل ئەرتش داگیرکەر تورکیە وەتیە، رووژ ٢٢ سپتامبر ناوچەیل ڕووژئاوای زاپ و هەرێم خاکورک وە گشتی ١١ جار لە لایەن تەیارەیل شەڕکەر ئەرتش داگیرکەر تورکیە بومواران کریاس، هاوەخت هەریمەیل زاپ و مەتینایش توپۆاران بیە.