نزیک وە ٦ مانگە ماشالا کەرەمی باوگ موحەمەد مهدی کەرەمی شەهید سێدارەی شووڕش ژن ژیان ئازادی لە لایەن ڕژیم ئێران زندانی کریاس.
ماشالا کەرەمی باوگ شەهید موحەمەد مهدی کەرەمی جوان یارسانی لەسێدارەدریاگ، ماوەی ١٧٢ ڕووژە بازداشت و شیوەی بلاتەکلیف لە بەند ١٥ زندان ناوەندی کەرەج زندانی کریاس.
ئی باوگ دادخوازە لە ٣١ گەلاوێژ لە لایەن هێزەیل ئەمنیەتی ڕژیم ئێران دەسگیر و گشت وەسایل ئلکترونیکیێ زەبت و کارتەیل بانکی خانەوادەگەیشی مەسدود کریا.
کەیفەر خواز ماشالاک کەرەمی لە ئاخرەیل مانگ سەرماوەز لە لایەن شوعبەی ١١ دادسەرای گشتی و ئنقڵاب کەرەج وە تومەتەیل، ئەندامیەتی لە گرووپەیل، پرۆپاگاندا دژ وە ڕژیم، بێرێزی وە پیرووزیەکان، دروسکردن گرووپ ئەڕا شیوانن ئاسایش وڵات و بێرێزی وە خامنەیی سادر کریاس.
کۆرەگەی ئی باوگ دادخوازە، موحەمەد مهدی کەرەمی ناسریاگ وە کۆمار ، جوان ٢٢ ساڵەی یارسانی خەڵک بیجار لە وەخت شووڕش ژن ژیان ئازادی وە تومەت کوشتن یەی بەسیجی لە ١٧ بەفرانبار وەگەرد موحەمەد حوسەینی لە سێدارە دریان.