زندانییەیل فرەتر وە ٣٠ هەفتەس ڕووژەیل سێ‌شەمە لە چوارچوەی کەمپەین نە وە ئێعدام، چالاکی مانگردن وەڕێوەبەن.
ئیمڕووژ زندانییەیل لە نوزدە زندان ڕژیم ئێران لە بەردەوامی سێ‌شەمەیل ناڕزایی لە سی و یکمین هەفتە لە چوارچوەی کەمپەین نە وە ئێعدام درێژە وە مانگردن دان.
لە هەفتەی سی و یەکم ژمارێگ وە زندانییەیل زندان فەشافویەی تەیران پەیوەست وە مانگردن زندانییەیل ترەگ بین.
هاوەخت دو ئەندام پارلمان ئیتالیا، پشتیوانی خوەیان لە کەمپەین نە وە ئێعدام زندانییەیل سیاسی لە زندانەیل ڕژیم ئێران ئعلام کردن.
زندانییەیل مانگردێ ئاماژە کردنەسە ئێعدام ١٢٦ زندانی لە مانگ گەلاوێژ لە دەسپێگ وە سەرکارهاتن دەوڵەت مەسعود پزشکیان و تەکید کردنە، وە سابقەیگ ک ئەندامەیل نوو کابینەی دەوڵەت تازە دێرن، توانریەد ئیە وە کابینەی سەرکوت و ئێعدام ناو بنریەد.
هاوەخت ٦٨ سازمان و ناوند پارێزوانی ماف مرووڤ ناودەوڵەتی و ناوخوەیی وە ئمزای بەیانیەیگ سەربار هاوبەستگی وەگەرد سێ‌شەمەیل نە وە ئێعدام، خوازیار بینە ک کوومەڵگەی ناودەوڵەتی لە ئی کەمپەینە پاڵپشتی بکەید.