هێزەیل گارد زندان ئورمیە، هێرش کردنەسە سەر بەند زندانیەیل سیاسی و عەقیدەتی و دو زندانی وە ئوتاق تاکەکسی هەناردنە.
شەبەکەی ماف مرووڤ کوردستان ئعلام کردیە، ئمڕوو شەوەکی چوارشەمە ٢٩ خاکەلێوە، هڵایە ١٠ماموور و گارد زندان ناوەندی ئورمیە وە دەستور پەیمان خانزادە ڕەئیس زندان، هویژم بردنەسە بەند زندانیەیل سیاسی و عەقیدەتی. سەروار خراو کردن وەسیلەیل زندانیەیل، دو زندانی سیاسی کورد وە ناوەیل کەیوان رەشوزادە و کامران قاسمی دانەسە وەر لیدان.
هەر چەن کەیوان ڕەشوو زادە لە ئەنجام لێدانەگە وە باتوم هێزەیل زندان سەرێ شکیاس، ئەمانێ وە بێ چارەسەری دەرمانی و پزشکی هەناریاسە ئوتاق تاکەکەسی.
هەلیوا ئەردەوان تەهوریان ک لە سێمین ڕووژ مانگردن وە خواردن وە سەر بەید، وە دەستور سەرووک زندان هەناریاسە ئوتاق تاکەکەسی.
ئی زندانی سیاسی کوردە ک لە نەخوەشی دڵ و دیابت رەنج کیشێ لە نارەزایەتی وە بێ بەشی وە دەسرەسی وە خزمەتەیل پزشکی و مورەخەسی دەرمانی یا ئستعلاجی لە ڕووژ دوشەمە ٢٧ خاکەلیوە دەس وە مانگردن لە خواردن داس.