زندانی سیاسی گوڵرۆخ ئیرایی وە نویسان نامەیگ لە زندان ئڤین، ئاماژە کردیەسە فەزای هەڵوژاردن ریاسەت جمهوری ڕژیم ئێران و وەتیە، دیکتاتورەیل سەربار داسەپانن داخواز خوەیان لە سەر کوومەڵگە، ئدعای بەشداری مەردم ئەڕا دیارکردن چارەنویس خوەیان کەن.

گوڵڕۆخ ئیرانی لە ئی نامە ئاماژە کردیەسە قسەی حەسەن نەورووزی یەکێگ وە موهرەیل ڕژیم ئێران ک پێشتر وەتیوی: یەکێگ لە کەسەیلێگ ک تەقە لە مەردم کردیە و مەردم کوشتیە، ئەو بیە، ئیسە چ کەسێگ تواێد ئەو موحاکمە بکەید.

گوڵڕۆخ لە ئدامە نویساس، حەسەن نەورووزی یەکیگ وە چەند جێگر رەئیس کومیسیۆن قەزایی مەجلس ڕژیم ئێرانە ک ئی جورە لەبارە کوشیاگەیل مانگ خەزەڵوەر قسە کەید و ئیسە وەجوور کاندید ریاسەت جمهوری ناونویسی کردیە.

لە ئی نامە وە پەروەندەی گەندەڵی و جنایەت یەک وە یەک کەسەیڵی ک ئەڕا کاندیدابیێن لە هەڵوژاردن ناونویسی کردنە، لەوانە موستەفا پورموحەمەدی لە ئەندامەیل هەئیەت مەرگ لە دەهە ٦٠ هەتاوی ئاماژە کریاس.

گوڵرۆخ ئزافە کردیە، ئیمە لە ژێر دەسەڵات ئی جوور کەسەیلێگ ژیان کەیم و کوشیەیم، ئەمانێ قاتڵەیل ئیمە نەتەنیا سزا نایریەن، بەڵکۆ لە نەتەوەیل یەکگردێ مەراسم یاد کردنەوە ئەڕایان وەڕیوەچوود.

گوڵرۆخ ئیرایی تەکید کردیە، ئیە فەزای هەڵوژاردنێگە ک دیکتاتورەیل دروستی کەن تا بتوانن جیا لە داسەپانن داخواز خوەیان لە سەر کوومەڵگە، ئدعای بەشداری مەردم لە دیارکردن چارەنویس خوەیان بکەن.