ئەندام شەورای رێوەبەری کوومەڵگەی دمۆکراتیک و ئازاد رووژهەڵات کوردستان کۆدار زەینەب خوەراسان لە مەقالەیگ لە ژێر ناو "رێبەر ئاپۆ عاشق ئافراندن ژنەیل بائرادە"، ک لە سایت رەسمی پارت ژیان ئازاد کوردستان پژاک بڵاوە بیە، لە وێرەوەری خوەی لە دیدارێ وەگەرد ریبەر ئاپۆ لە ساڵ ١٩٩٤ باس کەید.
زەینەب خوراسان، ئەندام شەورای رێوەبەری کوومەڵگەی دمۆکراتیک و ئازاد رووژهەڵات کوردستان ،کۆدار، وەگەرد ئاماژه وە هویرەوەریێگ لە دیدار وەگەرد رێبەر عەبدوڵا ئۆجالان لە ٤ ئاپریل ١٩٩٤، نویساس: دیێن رێبەر ئاپۆ شوور و شەوق فرەیگ لە گیان مرووڤ وەدی تیەرێ، هەنای رێبەر ئاپۆ بوینید تازە هەبوین خوەت دوینیدەو.
زەینەب خوەراسان لە ئەو رووژە لەوای گوڵ سوو هەستی خوەی ناو بردێیه و نویساس: رێبەر ئاپۆ وەت ئیوە بایا وە راسی و حەقیقەت ژن بڕەسین و ئەگەر تواین وە ئازادی بڕەسین بایا ئەرتش داشتوین.
زەینەب خوەراسان نویساس: رێبەر ئاپۆ خوازێ هاز و تەوان خوەباوەڕی لە دەروین ئیمە چویزە بیەید. لە قویلایی دیرووک، دەنگ ریبەر ئاپۆ هات ک وەتیا، من وە ئیوە ژنەیل، ئی باوەڕە دەم ک کار دورس کردن ئەرتش ژنەیل وە پەرتەخ بڕەسنین. کەسایەتی خوەدان لە ئەرتش ژنەیل گەوراوە بکەن و لە سەر ئەو بنەوا بچنە ناو جەولانگای تێکووشان.
زەینەب خوراسان لەحزەی ماڵئاوایی لە رووژێگ وەهاری لە ساڵ ١٩٩٥ هاوردێیەسەو هویر و وەتێیه: ئەڕا من ماڵئاوایی وەگەرد رێبەر ئاپۆ، جوور دەرچیێن روح لە گیان بی و هاووەخت هەیەجان داشتم ک ئڕا نیشتمان خوەم، ئەڕا کوردستان هەڵگەردیامەو. ژیان ئەڕا من مانای تر گرتویدەو خوەی و تواسم بار ئنقڵاب وە کووڵ بکیشم.
زەینەب خوەراسان ئزافە کردیە ک عشق ریبەر ئاپۆ، ئافراندن ژن بائرادە، ئازا و تەواناس. وەختێگ ک لە لای رێبەر ئاپۆ بویمین دوینیایم ک چەنێگ له خوەباوەڕی ئیمە زەوق کردیاد. رێبەر ئاپۆ گلە وە گلەی ئیمە لە جی خوەمان هەڵسانیا و وەگەردمان وتووێژ کردیا. لە کام خانەوادەیم، چەن ساڵمانە و تا جەنێگ ئەڕا موبارزه ئامادەیم و ئەگەر ئامادە نییمن نەبایەس بچیمنەو وە نیشتمان.