دوو گەریلای عەرەب لە رێز هێزەیل یژئاستار و هەپەگە لە گوفتگوو وەگەرد ئاژانس فورات، باس وە ئەهمیەت پەکەکە ئەڕا وەدیهاتن خوەیشک و برایەتی لەناوبەین گەلان کردنە و وەتنە، ئەڕا ژیانێگ یەکسان بەشدار پەکەکە بینە.

سەرەتا گەریلا دەلال ئامەد لە رێز هێزەیل یژئاستار لە گوفتگوەگەی ئاماژە کردیە، شەهادەت خوەیشکەکەی لە سەر ئەو ئەڕا پەیوەست بیین وە ڕێز گەریلا تەسیر داناس وەتیە، پەیوەست بیین هەڤاڵەیل عەرەب لە ڕێز پەکەکە ئەڕا گشتگیرتربیین خوەیشک و برایەتی ناوبەین مەردوم ئەهمیەت دیرید.

گەریلا دەلال ئزافە کردیە، لە شوون دەسوەپێ کردن تێکۆشان ڕێبەر ئۆجالان و پەکەکە، ژنەیل خوەیان ناسین و دەسدانە تێکۆشان. وەخاتر ئەوەیگە ئاشنایی وەگەرد ڕێبەر ئاپۆ و فەلسەفەگەی شیوەی تازەیگ لە ژیان وە مەردوم نیشاندا.

عومەر تەل کۆچەر گەریلای هەپەگە لەی بارە هویشید، هەڤاڵیەتی و پەیوەندی لە پەکەکە فرە مانادارە، هەزاران گەریلای کورد، عەرەب و نەتەوەیل جیاواز دژ وە هێرشەیل داگیرکەرانەی تورکیە بەرخوەدان کەن.

گەریلا عومەر دەسنیشان کرد، پەکەکە لە مەردوم لە گشت شوونیگ لە وەرانوەر زوڵم پاڕێزوانی کەید، وەیخاتر وە ڕێز گەریلایەیل پەیوەست بیە.

گەریلای هەپەگە ئزافە کرد، فەلسەفەی ڕێبەر ئۆجالان لە سەراسەر جەهان گشتگیر بیە.