فدراسیۆن ناودەوڵەتی ڕووژنامەوانەیل، رووژ جومعە ١٧ سەرماوەز، لە گوزارشیگ وەتیە کە لە ساڵ ٢٠٢٣ زایینی نزیک وە سەد ڕووژنامەوان ژن و پیاگ کوشیاس.

فدراسیۆن ناودەوڵەتی ڕووژنامەوانەیل لە گوزارشەگەی ئعلام کردیە، لە ئیمساڵ زایینی ٩٤ ڕووژنامەوان کوشیاس ک ٩ کەس لەوانە ژن بینە.

لەی گوزارشە ئاماژە کریاسە کوشیان ٧٢ دەرسەد ڕووژنامەوانەیل لە غەزە و نویساس، لە ١٥ رەزبەر و دەسوەپێ‌کردن جەنگ ئسرائیل و حەماس، ڕووژانە زیاتر لە یەی ڕووژنامەوان لە غەزە گیان خوەیان لەدەسدانە.

لەی ناوە، ٦١ ڕووژنامەوان فلستینی لە نەوار غەزە و چوار ڕووژامەوان ئسرائیلی لە ڕووژ ئەوەڵ هیرش حەماس وە باشوور ئسرائیل کوشیانە

فدراسیۆن ناودەوڵەتی ڕووژنامەوانەیل لە ئدامەی گوزارشەگەی، سەربار ئاماژە وە بەردەوامی دەسگیری ڕووژنامەوانەیل لە وڵاتەیل چین، ئێران، بلاروس، مسر، تورکیە، میانمار و روسیە ئعلام کردیە، سەرکوت سیاسی کارمەندەیل رسانە لەی وڵاتەیلە وە شیوەی وەرچەوێگ زیایی کردیە.

هاوەخت وەتیە، ٣٩٣ ڕووژنامەوان و کارمەند ڕسانە زندانی کریانە ک ئی ئامارە بێ سابقەس.