فوئاد بێریتان هاوسەرووک کومەڵگەی دموکراتیک و ئازاد ڕووژهەڵات کوردستان، کۆدار، لە گفتگوییگ وەگەرد ئاژانس فورات باس لە ڕووڵ ڕێبەر ئاپۆ و هەڵمەت ئازادی ئەڕا ئۆجالان کرد و وەت خاوەنداری کردن لە ڕێبەر ئاپۆ وە مانای خاوەنداری کردن لە خوەمانە.

فوئاد بێریتان هاوسەرووک کۆدار لە گفتگوەگەی وەگەرد ئاژانس فورات ئێلام کرد: سەربار ئەوە کە گەل کورد چەوپوشی و ئنکار کریەد، بەڵام لە دیرووک ئنسانیەت، پایگای تایوەت دێرێ و یەکمین کومەڵگەی ڕاسەکانی تاریخیە و لە ناو نەچیە. کوردستان ناوەند بنەڕەتی و سەرەکی بەرخوەدان بیە کە هویچ وەخت تەسلیم نەویە و دیرووک کورد جەخت لە سەر ژیان ئازاد بیە."

بێریتان ئشارە وە ئەوە کرد، لەی رەسم و ڕسوم بەرخۆدان گەل کوردە، بڕێ لە کوردەیلیش دیارە کە تەقەلا کەن لە هێزەیل دەیشت نزیک بون و نەوکەریان بکەن و گەلەکەیان لە چوار چوەی مەنفەعەت خوەیان بفروشن.

هاوسەرووک کۆدار ئزافە کرد گەل کورد لە مەسئەلەی پێشەنگایەتی زاناس و خاس زانێگ کی نمایەندگیان کەی و کی توانێ نمایەندگیان بکەی، کە ئیە ئاشکار کەی پەیوەندی فرەیگ لە ناو بەین ڕێبەرایەتیمان وە گەل هەس.

فوئاد وە ئێلام ئەوە کە گەل کورد زانێد کە ڕێبەر ئاپۆ ئەڕا گەل و ئنسانیەتی ژیان کەی وەت: " ئەگەر گەلەکەمان ڕێبەر ئاپۆ وە جور ڕێبەر خوەیان قەبول کردنە، هوکار ئەسلی ئەوەسە کە گەلەکەمان زانێگ کە ڕێبەر ئاپۆ ئەڕا گەلەکەی و ئنسانیەت تێکوشان کەی و سابتێ کردیە. بەڵام پێشەنگ و ڕێبەر گەلەکەمان ڕێبەر ئاپۆ ئمڕووژ زندانی کریاس، ڕێبەرایەتی تێکوشان کەی کومەڵگەی خوەی دروس بکەی."

بێریتان لە درێژەی قسەگانێ باس لەوە کرد، ڕێبەر ئاپۆ تێکوشان و بەرخۆدان کرد تا کومەڵگەیگ تازە و ئازاد لە سەر بنەوای پارادایم کومەڵگەی ئازاد، دموکراتیک و ئێکولوژی ژنەیل دامەزرنێ و بونە خاوەن هێز پێویست خوەیان.

لە بەشێ ترەک قسەگان هاوسەرووک کۆدار وەت، ڕێبەر ئاپۆ تێکوشان کەی ئەڕا چارەسەر کردن موشکلەگان، ئرادە بیەیدە کومەڵگە، تێکوشان کەی مودڵ تازەی کومەڵگە و ژیان لە کوردستان و ڕووژهەڵات ناوەڕاس و ئەڕا گشت ئنسانیەت دامەزرنێد، گەل کورد ئەرک سەرشان و لایق ئەوەسە کە لەی پروسە پێشەنگایەتی بکەی و ئازاد ژیان بکەی.

فوئاد بێریتان هاوسەرووک کۆدار لە ئاخر قسەگانێ جەخت لە سەر ئەهەمیەت خاوەنداری لە ڕێبەر ئۆجالان کرد و ئێلام کرد: "خاوەنداری کردن لە ڕێبەر ئاپۆ وە مانای خاوەنداری کردن لە خوەمانە و تێکوشان ئەڕا ئازادی ڕێبەر ئاپۆ تێکوشان ئەڕا ئازادی خوەمانە. ئیسەیش کە هەڵمەتێگ ئەڕا ئازادی ڕێبەر ئاپۆ کەفتیەسە ڕێ هەوەجەس گەلەکەمان لە ڕووژهەڵات کوردستان وەتایوەت ژنەیل و جوانەیل و هەر وەیجورە گەلان ئێران فرەتر لە گشت لەی هەڵمەتە بەشداری بکەن و شوڕش ژن ژیان ئازادی بڕەسننە هەڵمەت ئازادی ناونەتەوەیی."