بەرپرسەیل زندان ئورمیە، حوکم ئێعدام لایکەم سێ زندانی لەو زندانە جێوەجێ کردن.

ئیمڕووژ ٢٠ گوڵان، حوکم ئێعدام لایکەم ٣ زندانی وە ناوەیل عەبدولا حەسەنزادە، حەسەن چۆپانی و حەسەن عەرەبی ک پێشتر وە تومەتەیل پەیوەندیدار وەگەرد مەواد موخەدر سزای ئێعدام وە سەریان داسەپاوی، جێوەجێ کریا.

وەپای خەوەر شەبەکەی ماف بەشەر کوردستان، ئی ٣ زندانیە ڕووژ ١٨ گوڵان وە ئۆتاق تاکەکەسی زندان ناوەندی ئورمیە بریانە و سەرلە شەوەکی ئیمڕووژ لە سێدارە دریان.

حەسەن عەرەبی خەڵ ئاوایی ئەنبی ئورمیە ، حەسەن چۆپانی خەڵک ئاوایی شارستین لە ناوچەی پیرانشار و عەبدولا حەسەنزادە خەڵک ئاوایی ینگچە بین.

ڕووژ سێشەمە هاوەخت وەگەرد ئنتقاڵ ئی زندانیەیلە وە ئۆتاق تاکەکەسی، حوکم ئێعدام زندانێگ وە ناو حەسەن موحرەر جێوەجێ کریاوی.