سێ چالاک ژێنگەدووس ک لە ڕێورەسم سپاردنە خاک ئسمائیل کەریمی دەسگیر کریانە، هەناریانەسە زندانەیل سنە و کامیاران.

ڕووژ چوارشەمە ٣ گەلاوێژ، دەیان هێز ئەمنیەتی، ژمارێگ وە چالاکەیل مەدەنی شارەیل کامیاران، جوانڕۆ، پاوە، رەوانسەر، سەلاس باوەجانی و دێولان لە شوون هەڵەوگەردیان لە ڕێورەسم سپاردنە خاک ئسماءیل کەریمی چالاک ژینگەی کامیاران، دریانسە وەرلیدان و لایکەم ٥ کەس لە چالاکەیل مەدەنی دەسگیر کردن.

شەبەکەی ماف مرووڤ کوردستان لە گوزرشیگ نویساس: ئی ٥ چالاک مەدەنیە لە شوون دەسگیری هەناریانەسە ئدارەی ئتڵاعات کامیاران، لە شوون چەن ساعەت دو کەسیان ئازاد کریانە، ئەمانێ فەریدە وەیسی وە بەند ژنەیل زندان سنە و ئاماج قوربانی و حەمید سەبزە وە زندان کامیاران بریانە.

ئی سەرجاوە ئعلام کردیە، ئەڕا ئازادی وەختی ئی سێ چالاک مەدەنیە، داوای دانان گەرەو ٢٠٠ ملیون تومەنی کریاس.

ئسمائیل کەریمی چالاک ژینگە پارێز و کارمەند ئدارەی مەنابەع تەبیعی شارسان کامیاران ک لە وەخت کونترول ئاگرکەفتن وە قورسی زامدار بی، سەرلە شەوەکی ڕووژ سێ گەلاوێژ لە نەخوەشخانەی کەوسەر سنە گیانێ وەدەس دا.